prSSH EN 12007-5:2024

Infrastrukturë për gaz - Tubacione për presion maksimal pune deri dhe përfshirë 16 bar - Pjesa 5: Linjat e shërbimit - Kërkesa specifike funksionale

Gas infrastructure - Pipelines for maximum operating pressure up to and including 16 bar - Part 5: Service lines - Specific functional requirements

Scope

Ky dokument përshkruan kërkesat specifike funksionale për transportimin e gazit (transportuesve të energjisë në formë gazi) përmes linjave të shërbimit, përveç kërkesave të përgjithshme funksionale të EN 12007-1 për:
a) një presion maksimal operativ (MOP) deri dhe përfshirë 16 bar;
b) një temperaturë operative mes −20 °C dhe +40 °C;
c) gaz dhe përzierje gazrash që janë në gjendje të gaztë kur transportohen nga infrastruktura e tubacioneve të gazit, siç janë hidrogjeni, gazrat e pasura me hidrogjen, gazrat e pasura me metan, dimetil eteri (DME), propani dhe butanet që përdoren për djegie dhe/ose si lëndë përpunuese, përveç avullit dhe ajrit të kompresuar, ku vlerësimi teknik ka siguruar që kushtet operative, përbërësit dhe vetitë e gazit nuk ndikojnë në funksionimin dhe mirëmbajtjen e sigurt të linjës së shërbimit.
Ky dokument aplikohet për projektimin, ndërtimin, komisionimin, shpërbërjen, operimin, mirëmbajtjen, zgjatjen dhe punët e tjera të lidhura përfshirë aspektet e sigurisë dhe mjedisit. Linja e shërbimit është aset fizik që përfshin tubacionet nga linja kryesore e gazit deri në pikën e daljes të caktuar nga operatori i sistemit të shpërndarjes (për shembull: valvula e izolimit, rregullatori, lidhja me matësin ose kombinimi i rregullatorit dhe valvulës së izolimit).
Ky dokument nuk zbatohet retrospektivisht për instalimet para datës së botimit, përveçse është e specifikuar ndryshe.
Kërkesat specifike funksionale për:
- tubacione polietileni janë të dhëna në EN 12007-2;
- tubacione çeliku janë të dhëna në EN 12007-3;
- tubacione poliamid (PA-U) janë të dhëna në CEN/TS 12007-6;
- punime tubacioni për ndërtesa janë të dhëna në EN 1775;
- instalime për rregullimin e presionit janë të dhëna në EN 12279 ose EN 12186;
- testimi i presionit, komisionimi dhe shpërbërja janë të dhëna në EN 12327;
- sistemi i menaxhimit të sigurisë (SMS) dhe sistemi i menaxhimit të integritetit të tubacioneve (PIMS) janë të dhëna në EN 17649.
Ky dokument përcakton parimet bazike të përbashkëta për infrastrukturën e gazit. Përdoruesit e këtij dokumenti pritet të jenë të vetëdijshëm që mund të ekzistojnë standarte më të detajuara kombëtare dhe/ose kode të praktikës në shtetet anëtare të CEN. Ky dokument ka për qëllim të aplikohet në lidhje me këto standarte kombëtare dhe/ose kode të praktikës që përcaktojnë parimet bazë të përmendura më lart.
Në rast se ka kërkesa shtesë në legjislacion/regullore që janë më të rrepta se ato në këtë dokument, CEN/TR 13737 (të gjitha pjesët) i shpjegon këto kushte.
CEN/TR 13737 jep:
- Përshkrimin e legjislacioneve/regulloreve të zbatueshme në një shtet anëtar;
- Nëse është e përshtatshme, kërkesat kombëtare më të rrepta;
- Një pikë kontakti kombëtare për informacionin më të fundit.