DPS organizoi një takim me Agjencinë Kosovare të Standardizimit (AKS), në lidhje me përshkrimin e praktikave dhe metodologjive që përdoren nga DPS në zbatimin e Eurokodeve.
Në këtë mbledhje morën pjesë përfaqësuesit e Agjencisë Kosovare të Standardizimit:
• Zonja Albina Jashanica– Drejtore e Drejtoratit për Standarde, Promovim dhe Integrim, dhe;
• Zoti Zijadin Ismajli – Zyrtar i Lartë për Standardet.
Nga Drejtoria e Përgjithshme e Standardizimit ishin:
• Zoti Riza HASANAJ - Drejtor i Përgjithshëm;
• Zonja Kostanca DEDJA – Drejtor i Drejtorisë së Çështjeve Ligjore dhe Marrëdhënieve me Palët;
• Zoti Gentian Trebeshina – Përgjegjës i Sektorit CEN/ISO
• Zonja Lindita MISHOVA – Specialiste në Sektorin e Pikës së Referimit në OBT dhe Shitjes së Standardeve.
Gjatë takimit u diskutua nga përfaqësuesit e të dy institucioneve (AKS dhe DPS) rreth funksionimit të komitetit teknik të Eurokodeve Strukturore si dhe Sukseset dhe sfidat e hasura gjatë implementimit të Eurokodeve të të dyja shteteve (Shqipëri-Kosovë).
Gjithashtu, u vlerësua mbështetja e deritanishme nga DPS për AKS, duke lehtësuar mundësinë e pjesëmarrjes së AKS në eventet e rëndësishme rajonale e ndërkombëtare të standardizimit, mbështetje e cila u theksua se është shumë e rëndësishme për AKS dhe se do të vazhdojë pa hezitim, konfirmoi z.Riza Hasanaj, Drejtor i Përgjithshëm i DPS.
Pas diskutimit të të gjitha pikave të rendit të ditës, Drejtori i Përgjithshëm i DPS Z. Riza Hasanaj e mbylli takimin, duke i uruar të dy stafeve të AKS dhe DPS punë të mbarë dhe një bashkëpunim sa më frytdhënës në vijim për të dy organizmat.
English