DPS/KT 7 është krijuar në Prill 2008 në përputhje me Ligjin Nr. 9870, datë 02.04.2008 “Për Standardizimin”, i ndryshuar dhe me Rregulloren e brendshme të DPS dhe duke ndjekur strategjinë e CEN/CENELEC dhe ISO/IEC mbi krijimin dhe funksionimin e komiteteve teknike. Fusha e këtij KT është adoptimi i standardeve evropiane dhe ndërkombëtare CENELEC/IEC në lidhje me fushën e hekurudhave si mjetet hekurudhore, instalimet fikse, sistemet e menaxhimit të hekurudhave, kondensatorëve; rezistorëve, termistorëve, që përdoren në pajisjet elektronike; qarqet e integruara pasive ose rrjete që përmbajnë rezistor, kondensator induktor dhe kombinimet e tyre; kondensatorët elektrik dy shtresor për përdorim në pajisje elektrike dhe elektronike; standardizimin e bashkuesve elektrik, pajisjeve lidhëse dhe strukturave mekanike për pajisjet elektrike dhe elektronike; përgatitja e standardeve për projektimin, prodhimin, përdorimin, ripërdorimin dhe provat e pajisjeve diskrete gjysmëpërçuese, qarqeve të integruara, sensorët, montimin e komponentëve elektronik, kërkesat në lidhje me ndërfaqet dhe pajisjet mikroelektromekanike, duke pasur parasysh aspektet mjedisore në lidhje me këto produkte; standardizimi i pajisjeve piezoelektrike, dielektrike dhe elektrostatike për kontrollin e frekuencës, përzgjedhjen e zbulimin siç janë resonatorët, filtrat, oshilatorët, sensorët dhe produktet që lidhen me to etj.