Standardi SSH EN ISO 45001 është standardi i parë dhe i vetëm për menaxhimin e shëndetit dhe sigurisë në punë, i cili u hartua duke u bazuar në praktikat më të mira ndërkombëtare për menaxhimin e shëndetit në punë.
Ai ka për qëllim të reduktojë aksidentet dhe sëmundjet profesionale duke i ofruar punëtorëve dhe punonjësve një ambjent të sigurtë pune. Standardi për sistemet e menaxhimit të sigurisë dhe shëndetit në punë ofron zgjidhje praktike për sigurinë e punëtorëve dhe punonjësve. SSH EN ISO 45001 u hartua për të shmangur çdo faktor risku, që mund t'u shkaktojë punëtorëve dhe punonjësve aksidente dhe sëmundjet prosionale.
Puna me sigurime dhe me të drejta të plota është punë e sigurtë, sipas Organizatës Ndërkombëtare të Punës. Çdo vit në botë, sipas statistikave vdesin rreth 2.78 milion njerëz nga aksidente ose sëmundje të lidhura me profesionin e tyre. Në vendet e pa sigurta të punës ndodhin qindra miliona aksidente dhe shkaktohen sëmundje profesionale, të cilat sjellin kosto shoqërore dhe ekonomike të konsiderueshme.
Standardi ISO 45001, Sistemet e menaxhimit të shëndetit dhe sigurisë në punë - Kërkesat me udhëzime për përdorim, synon të përmirësojë statistikat, duke ofruar një model të ri për të zvogëluar rreziqet në vendin e punës, për të përmirësuar shëndetin, për të rritur sigurinë dhe për të promovuar mirëqenien në punë.
Përfitimet e zbatimit të këtij standardi janë të shumta, si: reduktimi i rrezikut të sëmundjeve dhe aksidenteve në punë, deklarimi i sigurimeve të punonjësit, sjellja më pozitive në ndërmarrje dhe
bashkëpunim më i mirë me klientët, furnitorët dhe palët e treta.
Shqip